Pantun Parasaian Badan
Hari nan sadang galok-galok,
Hujan datang manyiram bumi,
Baa mato bisa ka lalok,
Mangana kantong indak bapiti
Lah denai cubo batanam tabu
Tabu tatanam hari lah sanjo
Ndak sadar kini lah malam minggu
Anta dek badan nan masih jomlo
Pucuak pauh sularo pauah,,
Sambilu samo kito laduangkan,,
Adiak jauah kakak pun jauah,,
Rindu nan samo di tangguangkan,,
Takana dulu wakatu baduo
Bara la sanang rasonyo hati
Coiko lah dulu wakatu bacinto
Ilalang sahalai kajadi saksi
Di kanang baliak carito lamo
Carito tahun duo ribu limo
Satiok kato bamanjo manjo
Dunia bak raso kito punyo
Tapi kini apo nan tajadi
Putuih juo tali pangabek
Kanapo janji diak ingkari
Janji lah lamo kito ikek
Umua baru satahun jaguang
Darah baru satandan pinang
Hati lakek kasiah tatuntuang
Rupo nyo alah punyo urang
Di caliak rupo darah tasirok
Bak babaliak aruah nan ilang
Cinto baganti tangih jo ratok
Sayang nan tido dapek tenggang
Rumpuik Saruik Panjanglah Baa
Pandan di rimbo nan maladungkan
Sakik iduik sananglah baa,
Badan lah panek dek manangguangkan.
Cari
pituah ayah untuak anak padusi
Sumbang duduak. Duduak sopan bagi padusi iyolah basimpuah, bukan baselo cando laki-laki, nan paliang tacacek bana kalau mancanngkuang jo mancongkong sabalah lutuik batagakkan bak gaek duduak di lapau. Kok duduak di bangku di kurisi, rapekkan paho arek2, manyampiang agak salayang, nyampang mamakai rok singkek, usahlah kaki ditindiahkan, nak jan tasimbah nampak sajo. Baitupun duduak di honda, dibonceang atau mambonceang, ijan mangangkang abih2, manjajok dipandang urang. Itu sumbang duduak
Silahkan download mp3 nya
pituah ayah untuak anak laki2
Sekilas tentang pituah ayah untuak anak laki2
Bismillahirahmanirrahim
O… nak kanduang sibirang tulang, buah hati limpo bakuruang, ubek jariah palarai damam, sidingin tampa di kapalo. Kamari-mari molah duduak, ado rundiang ayah Sampaikan.Kalau diliek dipandangi nak, dicaliak umua nan tapakai, badan Ayah baransua tuo, kini manjalang anam puluah. Hari patang mantari turun, awan di barat merah sago, malam nan tidak lamo lai.
Nyampang tibo saruan Allah, aja sampai capek paminto umua alah tibo dijangkauan. Tabuah digoa tigo-tigo, badan baganjua baliak pulang katampek asa mulo jadi suruik ka tanah nan sabingkah. Badarun aia pamandian, ba lasia bunyi cabiak kapan, dikocong dikabek limo, cukuik satanggi jo aia bungo. Bararak tandu ka surau, tibo di surau dibujuakan, mairiang shalat ampek takbir. Kini manuju ka pusaro, iyo ka pandam pakuburan. Tagolek di liang lahat, tanah sakapa bapakalang, mahereang mahadok ka kiblat, dibateh papan nan sahalai. Badaro tanah panimbunan, tatagak mejan nan duo, manyalo ciluang hitam, do’a dibaco panghabisan......
Silahkan downloadmp3 nya
Langganan:
Postingan (Atom)